Search for a command to run...
![[Arabic] Navigating the early days of a new Job: Mistakes to avoid and Details to pay attention to](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FwNz7_5EvUWU%2Fupload%2Fdb11679e01703020094ed6406d29777f.jpeg&w=3840&q=75)
Head of Engineering @Thndr. Passionate about managing teams, growing leaders, and building products that matter. Husband. Father. Madridista. Opinions are my own.
No comments yet. Be the first to comment.
In this series, I will put down all the technical threads I used to publish on Twitter since 2021.
كان فيه سؤال عن معايير اختيار الشركة الجديدة وازاي تحاول تعرف معلومات أكتر عنها، دي شوية نقط محتاجين نركز فيها واحنا بناخد القرار ده هاتكلم بشكل اكتر عن الـstartups بما انه اشتغلت full-time او consultant مع اكتر من واحدة اخر كام سنة ١-بسأل هل هما pro...
How much money does your application need per month to give users the services they need at the right standards of performance and reliability? And what is the least amount of money your team would need when scaling the system down and just keeping t...
ازاي تقيس انتاجيتك وكفائتك في الشغل حتى لو شركتك/الفريق/مديرك مش مهتمين انهم يوضحوا ده أو مش مهتمين يعرفوا؟ الأرقام اللي من نوع "كام ticket خلصتها في أسبوع" وغيرها من الأرقام المشتقة من مبادئ الـagile بيتم استخدامها بشكل غلط طيب ازاي أحدد انا باشتغل ...
![[Arabic] Productivity and Performance Metrics that you should measure](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FJKUTrJ4vK00%2Fupload%2F9d80779c869f5b24eb0ca09c98243aae.jpeg&w=3840&q=75)
One of the great takeaways from Andrew S. Grove’s “High Output Management” book, which I read a couple of years ago and am reading again now, is that it sheds some light on the common similarities between production or assembly lines and software eng...
هاتكلم النهاردة عن The Cobra Effect, Parkinson's Law وحاجات تانية: في واحدة من الشركات اللي اشتغلت فيها، كانت فيه مشكلة كبيرة وهي إن معظم المشاريع اللي بنتفق اننا نسلمها في مواعيد محددة بتتأخر، وأسباب التأخير وقتها كانت متنوعة بين ضغط الشغل والوقت مش...
![[Arabic] How can good intentions to solve a problem cause bigger ones?](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FY0I5DEbx8ck%2Fupload%2Ff1423c237b01589581b68a42fb976116.jpeg&w=3840&q=75)
من الغلطات المعروفة اللي بيقع فيها أي حد بيروح شغل جديد انه يكون مستعجل على انه يعمل impact/تأثير على الجزء اللي بيشتغل فيه.. ده مش غلط في المطلق ولكن ممكن يسبب شوية مشاكل تحصل بدري ومن غير ما ياخد باله ولا يبقى مستعد، هاتكلم على كام نقطة شوفتها بتحصل قبل كده أو أنا وقعت فيهم ⬇️
١- وجودك في مكان جديد معناه عندك فرصة تاخد وقتك تفهم المكان وطبيعة الشغل .. ممكن خلال الوقت ده تلاقي مشاكل واضحة شوفتها قبل كده وتعرف تحلها .. اكتبهم وقبل ما تعرض مساعدتك لازم تفهم وتعرف تفاصيل وتاريخ المشكلة وهل فيها جزء political أو سياسي هيخليك تعمل حاجة ماتعجبش حد أو تتخطاه
٢- لو استعجلت وقررت تدخل تحل في تاني أسبوع ليك مثلاً، ده معناه انك فقدت ميزة الشخص الجديد اللي محدش هيحاسبه دلوقتي وحتى لو أنت عارف انك لو محليتش المشكلة او حليتها متأخر ده مفيهوش ضرر بس هو أكيد هيسيب انطباع أول مش أحسن حاجة سواء أنك مانجحتش في أول مهمة أو انك بتقول كلام مش قده
٣- فيه حاجة اسمها خطة الـ٣٠-٦٠-٩٠ يوم بانصح جدًا أي واحد رايح مكان جديد انه يشتغل عليها ويحضرها وكمان يتابعها مع مديره في أول كام أسبوع .. معظم الخطط دي بتنصح انك تبتدي تاخد خطوات لقدام بعد أول شهر وبعد ما تكون فهمت أكتر وعرفت طبيعة زمايلك والمكان والشغل والأهم فهمت مديرك
٤- فيه خيط رفيع بين "جامد يا هاني احنا فعلاً عمرنا ما فكرنا في الحل ده" و "هو ده بقى اللي هييجي يعلمنا نشتغل ازاي" .. ومش دايمًا هتبقى المشكلة فيك او في طريقة تعاملك أو اهتمامك انك تساعد وتقول حلول ولكن في انك تفهمهم وتعرف dynamics الشركة وتعقيد العلاقات بين الناس وبعضها ..
٥- الانسان بطبعه بيقلق من التغيير، لو أنت في منصب قيادي شوية ماينفعش الحماس ياخدك وتقرر تعمل تعديلات جذرية من بدري، ده هيعمل مقاومة للتغيير وقلق وعدم راحة وهيصعب الموضوع عليك من بدري، زائد انه اللي اشتغل معاك في شركة قديمة مش شرط ينجح في المكان الجديد .. خد وقتك واتفرج ولاحظ
٦- أنت محتاج تاخد منحنى تصاعدي وتفهم التوقعات منك عاملة ازاي ومديرك مستني يديك شغل امتى وحجمه قد ايه، كونك عاوز تاخد حاجات تعملها من بدري ده بيزود الشغل والضغط عليك وهيخليك تُرهق بدري .. المشكلة انك هتكون مالحقتش يبقى عندك رصيد من الانجازات تستخدمه لو حصلك burnout سريع
٧- هتعلّي سقف التوقعات من بدري جدًا ودي حاجة مش كل الناس بتحب تعملها بالذات لو ما لحقناش نفهم الأسباب اللي اتكلمنا عنها ..
٨- أنت مالحقتش يبقى عندك علاقات أو ناس يساعدوك لو لقيت حاجة وقفت قدامك غير متوقعة، أنت جديد هنا والماتش مش على أرضك ولا وسط جمهورك ..
٩- الشخص الجديد عنده فرص ذهبية انه: يسمع كويس من الكل، يسأل أسئلة بسيطة أو ساذجة أو غير منطقية، يطلب مساعدة أو طلبات زي انه يفهم اكتر او يقرا، يعرف اللي قبله نجح وفشل في ايه، خسارة أنك ماتستغلش الوقت ده انك تحضّر نفسك أكتر وفي نفس الوقت تكتب الفرص اللي بتلاقيها علشان بعدين
هل ده معناه انك تتجنب تاخد الـquick wins وتبقى سلبي؟ لأ طبعًا بالعكس علشان فيه خطر تاني من الناحية التانية وهو انك تعدّي فترة التقييم أو probation period واللي لازم فيها يكون ليك تأثير وطريقة شغلك بدأت تظهر .. الفكرة انك تاخد وقت أكتر بشوية من الطبيعي بتاعك وتدرس الفرص دي الأول
طيب ماهو تعريف الـquick wins اللي ممكن تاخدهم في طريقك أول شهرين تلاتة؟ - حاجة صغيرة تأثيرها محدود سواء سلبي أو إيجابي. - الوقت اللي محتاجه علشان تشتغل عليها مش كبير ومش هيعطلك عن المطلوب منك. - ما يبقاش الكل مركز معاها علشان لو ماكملتش شغل عليها او ماعرفتش ماتبقاش تحت الأضواء.
- تتماشى مع أهداف الشركة يعني ماتروحش توفّر ١٠٠ دولار لشركة profitable بملايين، محدش مهتم والكل هيستغرب ووقتك كنت استخدمته في حاجة أهم. - تبقى حاجة عملتها قبل كده وشاطر فيها وعارف لو الموضوع وسع منك ازاي هتلمه. - تعرف هتتكلم عن الحاجة دي بعد ما نفذتها بشكل كويس وواضح.
بالمناسبة الكلام ده لو أنت الشخص اللي لسه جاي جديد المكان، بس فيه جزء كبير او الجزء الأكبر من المسؤولية بيبقى على الشركة انها توفرلك onboarding plan منظمة ومترتب فيها اللي انت هتعمله .. المفروض يكون فيها حاجات تشتغل عليها تديلك احساس الـquick win
💡 تقدروا تلاقوا تفاصيل ومناقشات أكتر حول الموضوع ده في الـthread ده على twitter، شكرًا ..