Questions to ask before joining a new Startup
Head of Engineering @Thndr. Passionate about managing teams, growing leaders, and building products that matter. Husband. Father. Madridista. Opinions are my own.
كان فيه سؤال عن معايير اختيار الشركة الجديدة وازاي تحاول تعرف معلومات أكتر عنها، دي شوية نقط محتاجين نركز فيها واحنا بناخد القرار ده
هاتكلم بشكل اكتر عن الـstartups بما انه اشتغلت full-time او consultant مع اكتر من واحدة اخر كام سنة
١-بسأل هل هما profitable ولا لسه وارقامهم بتتوقع يبقوا كده امتى .. لو واخدين fund هسأل الـrunway او الفلوس اللي معاهم تكفيهم قد ايه بافتراض ان مفيش ظروف هتتغير (ده مستحيل في مصر)
٢- ايه مصادر ارباح الشركة وهل هي بالجنيه ولا بعملة تانية
٣- مش عاوز ارهق الناس معايا في انترفيوز وفي الاخر توقعاتنا ماتبقاش واحدة، بسأل على التايتل المتوقع واللي انا عارف انه ممكن يتغير بناءً على ادائي في الانترڤيو، وأكيد باقول expected salary او بسأل على salary brackets
٤- باحاول اعرف تاريخ الشركة في موضوع الـlayoffs، بصراحة علشان توقعاتي تبقى منطقية بس الموضوع ده مش بيوقفني اني اروح المكان لأن ده بقى طبيعي ولو انت مركز انك تفضل شاطر في اللي بتعمله فا ربنا هيكرمك بفرص تانية لو ده حصل
٥- (حط عشرين خط) التيم متقسم ازاي وهاتعلم من مين هناك (خمسين خط) .. محتاج تبقى عارف انت رايح تتعلم من ناس خبرتها اكبر او اشطر منك ولا رايح تعلّم وتكبّر انت اللي موجودين .. الاحتمال التاني معناه وقت ومجهود اكتر وتحديات اصعب، انما الاحتمال الاول ممكن يخليك مثلاً تقبل برقم أقل شوية علشان تتعلم
٦- ماتتكسفش انك تدخل لحد على linkedin وتسأله على الشركة، احتمالات انه يرد عليك مش هتزيد عن ٣٠٪ بس لو الشركة مجهولة بالنسبة لك تمامًا يبقى محتاج تعمل كده .. بالمناسبة زوّد معارفك في linkedin على قد ما تقدر هو معمول علشان كده أصلاً
٧- لو عرفت مديرك اسأل عنه، مديرك نص الشغلانة وحياتك هتبقى نعيم او جحيم بسببه
٧- الفلوس مهمة جدًا، اللي يقولك غير كده بيضحك عليك .. بس خطر اوي انك تروح مكان يديك فلوس اكتر وراحة اكتر بس ماتتعلمش فيه وتلاقي نفسك بعد سنتين مش عارف تسيب المكان لأنك بقيت بعيد عن متطلبات دورك في شركات تانية .. لو روحت مكان ولقيت كده يبقى حاول تمشي في اقرب وقت
٨- اعرف توقعات الدور اللي انت مقدم عليه كويس .. كلمة "تيم ليدر" مثلاً لوحدها مش بتوضح المطلوب منك علشان كل شركة غير التانية
٩- فيه شركات بتحب اللي بيشتغلوا من ٩-٥ وفيه شركات بتتوقع منك وقت ومجهود اكتر .. لو انت مش workaholic والموضوع ده هيبوظ توازن الشغل وحياتك الشخصية .. خليك صريح واسأل عن ده في كل انترفيو تدخله وخليك واضح .. ستارت أبس كتير في مصر هتتوقع منك اكتر من ٨ ساعات
١٠- العالم مابقاش زي زمان والناس بتتحرك بسرعة من مكان للتاني فا ماتخافش انك تروح شركة ماتتبسطش فيها وتقرر تمشي بسرعة
💡 تقدروا تلاقوا تفاصيل ومناقشات أكتر حول الموضوع ده في الـthread ده على twitter، شكرًا ..
![[Arabic] Productivity and Performance Metrics that you should measure](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FJKUTrJ4vK00%2Fupload%2F9d80779c869f5b24eb0ca09c98243aae.jpeg&w=3840&q=75)
![[Arabic] How can good intentions to solve a problem cause bigger ones?](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FY0I5DEbx8ck%2Fupload%2Ff1423c237b01589581b68a42fb976116.jpeg&w=3840&q=75)
![[Arabic] Navigating the early days of a new Job: Mistakes to avoid and Details to pay attention to](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FwNz7_5EvUWU%2Fupload%2Fdb11679e01703020094ed6406d29777f.jpeg&w=3840&q=75)