[Arabic] Get the most out of the first 20 minutes of your interviews

١/ أول ٢٠ دقيقة في أي interviews مهمين جدًا، وللأسف ناس كتير مش بتحضّرلهم كويس .. بنسبة ٨٠٪ هيبقى أول سؤال تسمعه "احكيلي شوية عن نفسك وعملت ايه في الكام سنة اللي فاتوا؟" .. ماينفعش خالص تكون مش مجهّز قصتك والنقط اللي هتقولها وترتجل في الردود.. ده ممكن يسيب انطباع أول مش لطيف

٢/ بالعكس انا باعتبرها فرصة وأحاول اركز وأوضح النقط المهمة اللي حابب اللي قدامي يسألني عنها ونتعمق فيها سواء علشان انا كويس فيهم او علشان شايفها حاجات هتحتاج شركته اني اعملها وبتدور عليها او بتعاني منها .. رأيي برضه انك تحضر نسختين، واحدة لو الإنترڤيو مش تكنيكال والتانية تكنيكال

٣/ فيه فرق كبير بين "انا كنت شغال في تيم scrum والـstack كان x وكنا شغالين microservices architecture" وبين "انا كنت شغال في تيم الـpayment لمدة سنة وقدرنا نخلي السيستم يستحمل ١٠ مليون transactions بدل نص مليون أول السنة، علشان نعمل كده كنت جزء من التيم اللي غيّر الـarchitecture"

٤/ الجملة التانية بتفتح المجال لأسئلة كتيرة لأنك قولت اكتر من keyword حلوين لأي interviewer زي team structure, performance, scalability, design and architecture, data-driven mindset, domain expertise, وممكن حاجات تانية، ده غير انها بتوضح انك عارف تأثير شغلك مش بتكتب كود وبس.

٥/ نصيحتي انك تكتب تفاصيل اللي كنت بتعمله وتحاول تتكلم بالأرقام لو عندك او من ناحية تأثير شغلك على الشركة والتيم والبرودكت واللي حوليك، والمشاكل اللي انت حليتها، وبعد كده تنزل خطوة لتحت وتتكلم انت عملت كل ده ازاي وباستخدام انهي tools and technologies .. معظم الناس بتعمل العكس

٦/ لو أنا باعملك squad fit interview وهو إنترڤيو المفترض انه مش تكنيكال، هابقى مهتم اسمع تأثيرك على التيم وعلى البرودكت اللي شغال عليه وأعرف نقط قوتك اللي مش تكنيكال .. مثلاً هل بتعرف تدي feedback وتهندل conflict ولا لأ؟ الحاجات دي أهميتها ماتقلش عن شطارتك technically

💡 تقدروا تلاقوا تفاصيل ومناقشات أكتر حول الموضوع ده في الـthread ده على twitter، شكرًا ..