لو ركزت شوية وحاولت تصنّف الناس اللي شغالين معاك في الـteam - ومن ضمنهم انت - هتلاقي انكم غالبًا متقسمين لـ٣ أنواع: 1/ Generalists: Dash-shaped people 2/ Specialists: I-shaped people 3/ T-shaped people أيه الفرق بينهم؟ وليه مهم تعرفه والأهم ليه محتاج تعرف انت أي نوع فيهم؟

النوع الأول وهو الـgeneralists، وده الشخص اللي عنده معرفة بـtools and technologies مختلفة، هتلاقيه كويس ومفيد لو اشتغل مثلاً backend or frontend أو يعني fullstack .. بيعرف يـcommunicate بشكل كويس ومعندهوش مشكلة كل فترة يدخل مشروع جديد او يكتب بلغة برمجة جديدة

النوع ده بيتعلم بسرعة ومتعوّد على كده، يقدر يسد فراغات كتير وهيبقى منتج بشكل ممتاز في services-based teams حيث سرعة الدخول في مشاريع جديدة وانجازها هو العامل الأهم. مشهورين بجملة jack of all trades, master of none، ومشكلته انه ملهوش career path قوي في شركات كبيرة في أول سنين شغله

النوع التاني هو الـspecialists، ودول الأشخاص اللي خبرتهم قوية في حتة معينة دون غيرها، بمعنى انه يكون شاطر في الـbackend بس باستخدام Java مثلاً، هو هيبقى إضافة رائعة لـproduct معمول باللغة دي وهيكبر بسرعة وهيبقى expert في تخصصه .. مشكلته انه وظايفه في التيم والاستفادة منه محدودة

النوع التالت وهو T-shaped اللي حاليًا مطلوب بشكل كبير في كل الـagile teams لأنه بيكون عنده خبرات ومعلومات كويسة في أكتر من تخصص ولكنه خبير في واحد منهم ويقدر يلعب أي دور من النوعين الأول والتاني حسب الحاجة .. الشخص ده بيبقى مرن ويقدر يساعد في تغيير شكل التيم وبيحل الـbottlenecks

يعني مثلاً frontend قوي جدًا في angular وبيعرف يشتغل react بشكل كويس ولو احتاج الموضوع تعديل في الباك اند ممكن يعمله بكفاءة عادية مش مبهرة ولكنها بتؤدي الغرض .. بيعرف يـcommunicate بشكل كويس ومايحتاجش توجيه يومي في جزء الـproduct and process

هل فيه نوع أحسن من التاني؟ صعب نقول كده لأن كل نوع بيدّي صاحبه مميزات في كل مرحلة في الـcareer .. يعني الـspecialist يبان أنه مش مميز ولكن بالعكس هو شخص بيبقى نادر في الماركت وخبرته في مجال معين بتخلي عنده نقطة قوة .. الـgeneralist فرصه أكبر ومع الوقت هيبقى team leader شاطر

ليه محتاج تعرف أنت مين فيهم أو حابب تبقى أي نوع منهم؟ علشان تستثمر وقتك في الـareas اللي هتخليك أقوى وتساعدك تبقى فعلاً مؤثر لو ناوي تتعلم حاجة واحدة وتبقى خبير فيها أو حابب تستكشف حاجات كتير على قد ما تقدر وتبقى فرصك أكبر، أو حابب توازن بين الاتنين وتبقى T-shaped قد الدني

💡 تقدروا تلاقوا تفاصيل ومناقشات أكتر حول الموضوع ده في الـthread ده على twitter، شكرًا ..