[Arabic] Tips on effective communication in the presence of different stakeholders
![[Arabic] Tips on effective communication in the presence of different stakeholders](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FSYTO3xs06fU%2Fupload%2F4cf02211e65b3eaa09856b8e502c1088.jpeg&w=3840&q=75)
فيه مصطلح ظريف ومهم إسمه Read the Room، وبيتكلم عن انك تحاول تدرس نوعية الأشخاص اللي هتعمل معاهم ميتينج وخصوصًا لو مش بتقابلهم بشكل يومي أو موجودين في positions مختلفة.. بمعنى ان الكلام اللي انت محتاج تقوله في ميتنج مع development team مختلف بشكل كبير عن business team مثلًا..
البيزنس تيم مش هيفهم مشاكلك مع SQL Server version اللي على السيرڤر، ولو قعدت ٥ دقايق تشرح فا انت خسرت وقت ومجهود والرد هيبقى واحد: تمام! المهم الحاجة هتبقى جاهزة إمتى؟ .. محتاج انك توضحلهم انه دي مشكلة بتاخد وقت وفتحنا ticket مع DevOps والطبيعي هتاخد ٣ أيام وهعرفكم الـupdates
نفس الكلام لو الميتينج مع executive or managers، الناس دي محتاجة ملخص صغير وسريع لكل خطوة، ومش هتركز معاك لو ابتديت قصص السيرڤر إياها .. هما محتاجين يبقوا impressed بطريقتك في عرض المشكلة والحلول مثلاً .. ومش بعيد يقاطعوك لو كلامك مكانش مفيد أو relevant ليهم .. محتاج تحضّر كويس..
محتاج تحسب وقتك في الكلام كويس، وتحاول مايكونش كلامك متكرر وتسيب الفرصة للناس انها تشارك ف الحوار وتشجعهم انهم يقولوا أفكار .. تاخد بالك من المطلوب منك توضحه في الميتينج ومتدخلش على شغل حد غير لو هتقول رأيك وتسيبله هو الـfinal decision
لو التيم فيه ناس جديدة أو صغيرة، حاول تاخد بالك من طريقة توصيلك للمشكلة انك متكونش مُحبَط علشان ده هيأثر عليهم بشكل سريع.. تحاول تكون هادي ولو انت عندك مشاكل يبقى تناقشها مع التيم ليدر مثلاً على جنب، معنويات التيم دي حاجة مهمة.. والعكس لو فيه حاجة كويسة محتاج تبروزها علشان تشجعهم
أهم حاجة المفروض تاخد بالك منها وانت بتتكلم هي ردود فعل الناس والـbody language بتاعتهم، وللأسف بما ان معظم شغلنا ريموتلي فا لازم تحاول تطلب مشاركة الناس في الميتينج وبعد ما تتكلم تطلب منهم يقولوا رأيهم وتسمع بشكل كويس ومتبقاش defensive لو كلامهم مكانش متوقع او مش عاجبك ..
مش صح تعتمد على الإرتجال/improvisiong في الميتينجز دي، بالعكس دي فرصة كويسة ليك ان الناس تعرفك وتستفيد منك .. أوقات كتير هتلاقي ان فيه ناس بيتطلبوا بالإسم علشان نعرف منهم status أو feedback، دول بيبقوا اللي بيعرفوا يقروا الأوضة صح ويكلموا كل واحد باللغة المفضلة بتاعته
💡 تقدروا تلاقوا تفاصيل ومناقشات أكتر حول الموضوع ده في الـthread ده على twitter، شكرًا ..
![[Arabic] Productivity and Performance Metrics that you should measure](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FJKUTrJ4vK00%2Fupload%2F9d80779c869f5b24eb0ca09c98243aae.jpeg&w=3840&q=75)
![[Arabic] How can good intentions to solve a problem cause bigger ones?](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FY0I5DEbx8ck%2Fupload%2Ff1423c237b01589581b68a42fb976116.jpeg&w=3840&q=75)
![[Arabic] Navigating the early days of a new Job: Mistakes to avoid and Details to pay attention to](/_next/image?url=https%3A%2F%2Fcdn.hashnode.com%2Fres%2Fhashnode%2Fimage%2Fstock%2Funsplash%2FwNz7_5EvUWU%2Fupload%2Fdb11679e01703020094ed6406d29777f.jpeg&w=3840&q=75)